Nuujs!
| Waem ich bön | ||
Licorice Two-lips Muck
a Muck Sinner Ich höb van miene paetome 'Sjeng' de viool georve maar nooit gekrege! Die zjwörf noe örges in de familie ronjd. Wölt de huidige bezitter dees viool trökgaeve aan de rechtmatige eigeneer? Alvas bedankt! Simple
Maniac
|
Gebaore op 16 april 1958 in café 'de Paersjtal' aan de
Zjwartbrooksjtraot in Remunj. (noe líkt dao ein Grieks restaurant).
Dao bön ich auch veur 't eerst mit de meziek in aanraking gekómme
want dao sjpeelde heel völ (Jazz) bandjes. As pap en mam dan 'sjmorges
nog looge te sjlaope dan kroop ich de bühn op en vergreep mich aan
eder instrument det de muzikanten dao hadde laote lígge. Meestal
waas det maar van kórte doer want dao waerde pap en mam waal wakker
van. Vanaaf mien 16e sjpeel ich op de gitaar en höb mich auch nog
angere meziekinstrumente eige gemaakt. Zinge doon ich 't leefs! (zelje
ónger de doesj). Vreuger wou ich heel gaer eine piano höbbe maar dae
kreeg ich neet. Pap zei altied det dae te zjwaor waas om mit te
naeme op vakantie. Daorom kreeg ich altied eine mónjdharmonica van
Veith's Musica op de Hamsjtraot. Dae waas dan 'gesield' en kós
geruuld waere. Oeteindelik kwaam 't dao nooit van. Nao get gejank
ging de plestik d'r aaf en sjpeelde ich weer op det dink. 'T waas
eder jaor 't zelfde leedje.
Maar good. Vanaaf ein jaor of 16 kreeg ich ein gitaar mit de zomervakantie. En vanaaf dae tied höb ich eigelik auch altied in ein of anger bandje gesjpeeld. Vaak in meerdere tegeliek. Ein paar name: Sinner, de Bubs, Muck a Muck, Blue Pensil, de Wauze, de Donkere Wolk, Two-lips, Simple Maniac, Beau Boots, Cats don't bark, Born to Boose... en noe in The Tyraps. (sorry jónges as ich nog ein paar name vergaete bön). De vastelaovesleedjes zeen eigelik pas ein paar jaor geleje om de hook kómme kieke. Ich höb in 't verleje waal ins get gesjreve veur de vastelaovend maar det waas toch meer popmeziek dan vastelaovend. Mien groot veurbeeld waas natuurlik 't nummer 'Herrie mit de Linjtworm' en 'Nachlaeve' van de Wauze. Maar auch mit Two-lips höbbe veer Limburgstalig gesjreve en gezónge. ('in de raegen waersse naat'). Mien eerste vastelaovesleedje waas 'de Ruzeleer' en is later nog ins op CD gezat door Sjors Palmen. De letste joare schrief ich auch meer traditionele vastelaovesmeziek veur michzelf en auch veur angere. Ich dink det ich gerös kin zégge det ich eine eige sjtiel höb. Ich kóm neet oet de HaFa of oet broelofsorkestjes maar zogezag oet de popmeziek. Dees invloede zöl ze dus auch in miene meziek sjteeds weer trök heure. Thoes höb ich de meugelikheid om leedjes op te naeme. Ich gebroek daoveur eine 24 sjpaore harddiskrecorder (Roland VS2480). Daonaeve höb ik ein Yamaha Tyros2 keyboard en nog get gitare. Ich höb ein aantal vrunj die mich helpe om sjtöke in te sjpele die te lastig veur mich zeen of van instrumente die ich zelf neet kin besjpele. Op gitaar is det Paul Voestermans, op piano; Xavier op den Coul en de bloazers regelt Hub Boesten natuurlik. Dan zeen d'r auch nog ein paar luuj die aaf en toe auch ein bietje mitdinke en sjpele zoas Christopher Deckers. Ich höb de letste 3 jaor eder jaor ein vastelaoves CD oetgebrach mit allein eige werk. Ouch dit jaor sjteit weer ein CD in de plenning. Op dees CD’s waere traditionele vastelaovesleedjes aafgewisseld mit alternatieve vastelaovespop in ’t Remunjs. Hiejbiej mot geer dinke aan nummers ála Wauze, Janse Bagge, WWband …..
Zo kin ich nog oere doorgaon maar ........................ Genóg geluld.......
wilse meer weite? Vraog 't geweun aan mich! Hans Leijendeckers.
|
|
Simple
Maniac  |
Sinner
|
Huib
Wingens - Hans |
